非洲頭巾之可以唔使洗頭篇
回應朋友之一則留言，
頭髮故事篇。
記得6年前第一次去西非多哥🇹🇬
成街嘅女人一係就包頭，一係就爆炸頭🤯
我仲以為佢地頭髮多到要人人jack lock頭，
後尾問返當地嘅朋友先知，
其實非洲嘅黑人種族嘅基因問題，
佢地嘅頭髮，又捲曲而且又細。
長唔到幾耐就會斷晒，
唔係呢，就會好似俾火燒過嘅髮質好咁核突。
所以當地嘅男人係光頭，
女人就係假髮嘅爆炸頭，
冇錯係假髮，全部都係假髮，咁大舊都係假髮。
就好似我哋亞洲人想變白，
歐洲嘅白人想曬黑啲，
咁無頭髮嘅人梗係裝假髮啦。
你見到好似張相咁，
我個friend個頭係螢光藍色high light。
止於洗頭，
佢話佢哋一個禮拜洗一次，
同啲假髮一齊洗。
如果你唔想洗頭，我諗你去非洲住會開心啲。
咁另外包頭呢，
係屬於佢哋嘅傳統服飾之一。
因為以前冇得駁假髮，
咁就唯有用頭巾包住喇。
咁當然啦，
要襯返本身自己件衫啲色嘅。
唔同國家有唔同嘅包法。
我今年都會去非洲旅行，
到時再講多啲當地文化比大家知❤️
Search